Al mes de setembre de 2021 l'OPLO comuniquèt sus sa prioritat per l'annada 2021/2022. L'organisme se vòl concentrar sul licèu.
Après aver constatat una baissa significativa dels efectius d’escolans qu’aprenon l’occitan dins aquelas estructuras dempuèi 2018 dins totas las acadèmias, l’OPLO decidiguèt de reagir en lançant un « Plan d’accion licèu ».
En ligam amb lo ministèri de l’Educacion nacionala e amb lo supòrt de las Regions Nòva Aquitània e Occitània, diferentas accions seràn menadas.
L'organisme se dona tres objectius :
- equipar los escolans que seguisson ja un ensenhament en occitan o las equipas ensenhantas que las acompanhan ;
- sensibilizar los liceans e collegians que seguisson pas encara un ensenhament en occitan al benefici de son aprentissatge ;
- valorizar las iniciativas identificadas dins cèrts licèus que favorizan lo desvolopament e l'emplec de la lenga.
Lo plan es dotat d’un budgèt previsional de 204 000 €.
