Ven de sortir la revista satirica L'estrasseta.
Al programa e tot en provençal sus quatre paginas : desinformacion, malvolença e marrida fe.
Extrach de l'editorial : « Lo grand Erodòt escriguèt un jorn : "quand un pòple es plus capable de se trufar d’espereu, es condamnat a rejónher lei cendres de seis aujòus". Bòn, d’acòrdi, jamai escriguèt aquò, l’antic istorian grègo, pasmens auriá pogut ! L’umor es quauquarren que se discuta pas. Cadun, de son biais, estacat a sa generacion, l’i es mai ò mens sensible. Aquò dich, se vòu èstre mai qu’una cultura de musèu e de testimoniatge, se pòu pas passar, l’occitan, de l’umor e de la trufariá. Una bòna galejada vau ben una acampada de tutu-panpans ! »
Dissabte 13 de genièr de 2018 : Maison des Associations, 22, rue Deparcieux 75014, París, mètro Denfert o Gaîté.
13h30 : questions d'actualitat ; 14h30 : après-dinnada poètica amb Gui Matieu que presentarà tanben le sieu darrièr libre paregut en çò de l’Aucèu libre.
Per acabar, festejarem les reis amb las còcas tradicionalas dels païses nòstres.
Dins sa revista à Toulouse d'octobre/novembre de 2017 la vila de Tolosa presentava, en occitan, una entrevista d'Alem Surre-Garcia. L'article :
« Tolosa foguèt totjorn dubèrta ».
Per melhorar la coesion sociala en vila, la Comuna de Tolosa se vòl apuejar sus las valors portadas per la cultura d’òc. Es lo plan Convivéncia. L’escrivan Alem Surre-Garcia nos detalha son contengut.
Extrach del Libre de Catòia de Joan Bodon. Capítol 44.
Jean Sagnes presentarà son libre Petite Histoire de l’Occitanie
al CIRDÒC lo 11 de genièr de 2018 a 18h. La presentacion serà seguida d’un temps d’escambis amb l’autor.
Jean Sagnes, autor d'un quarantenat d'obratges, es professor agregat d’istòria. Nos propausa aicí una sintèsi sus l’istòria de l’ensemble dels territòris occitans.
Cristian Rapin al microfòn de Jacme Delmas, presenta son diccionari.
Un article de la revista Occitans ! numèro 140 (2012).
Max Roqueta e Vert Paradís
Max Roqueta nasquèt a Argelièrs, vilatge del país montpelhièrenc, lo 8 de decembre de 1908. Après una enfança prigondament imergida dins la lenga occitana, contunha sos estudis segondaris al Licèu de Montpelhièr. Son d’annadas d’esbleugiment al long de las qualas descubrís la cultura classica e lo mond de l’escritura. Estúdia la medecina dins l’anciana facultat d’aquela vila, s’implicant dins la vida estudianta, e notadament dins una assocacion, Le Nouveau Languedoc, ont contribuís a ne far un esplech ambiciós de difusion e de valorizacion de la cultura d’Òc.
Capitada per la jornada pedagogica organizada per Calandreta lo 1ièr de decembre a Tolosa.
Èran mai de tres cent a participar a l'encontre.
La Confederacion per l'intermediari de son establiment d’ensenhament superior Aprene, mena una recèrca pedagogica permanenta per fin de melhorar son ensenhament dins las escòlas.
Lo Lector de la Val, Associacion de Bibliotècas del Lauragués
(sud-èst de Tolosa), organiza d’octobre de 2017 a febrièr de 2018
son XXen concors de novèlas. Es dobèrt a totes e a gratis.
Compta quatre categorias : primari, segondari, licèus e adultes. Los tèxtes collectius son permeses se fan partida de l’ensenhament d’una classa tota.
Lo Cercle occitan de Carcassona organiza per Nadal una sèria d'eveniments a l’Ostal Sirventés (79, la Trivala, Carcassona).
Aquel Temps de Nadal serà virat ongan cap a la mar, als rius e als peisses amb d'animacions titoladas Sopa de peisses :
L'IEO de Vilafranca en Roergue comunica :
L'IEO del Vilafrancat vos convida a una serada a l'entorn dels cants occitans de Nadal lo dissabte 16 de decembre de 2017 a 20h a la glèisa de Vabre-Tisac.
Seràn presentas las coralas : lo talhièr de cant polifonic de Vaserac de Tarn e Garona, lo talhièr de cant del Centre Occitan Rochegude d'Albi, lo talhièr de cant de Renat Juriè, la Korala Paisana de Morlhon (LKP).
A la fin de la serada partajarem lo vin caud e la fogassa.
Serada dubèrta a totes, participacion liura. Venètz nombroses !
Lo 16 de decembre de 2017 a 14h30 se tendrà al CIRDÒC de Besièrs l'amassada generala
dels amics del CIRDÒC. Totas la personas interessadas son convidadas a venir i participar.
Lo rescontre serà seguit d’un moment convivial e cultural amb lo tradicional concèrt de Nadal.
L'associacion n'aprofiecha per tornar rapelar sa foncion :
« Amb la creacion del Centre internacional de documentacion occitana en 1975, l’escrivan Ives Roqueta e los primièrs donators, contributors, cercaires, artistas e militants engatjats dins la construccion d’una « bibliotèca internacionala occitana » realizèron un projècte istoric : dotar la cultura e la societat d’òc d’una institucion culturala enciclopedica, professionala e de vocacion internacionala cargada de recampar per transmetre e far viure dins lo mond contemporanèu la riquesa e la diversitat de las expressions artisticas, scientificas, politicas e socialas occitanas.
Dins la revista Lenga 75 (2014), Pèire Pessamessa presenta l'article « Lou tron de l'èr e la premsa marselhesa dau sègle XIX ». Extrach :
Introducion
Tot de lòng dau sègle XIX, lo pòble marselhés parla encara sa lenga, lo dialècte provençal de la lenga d’òc, amb 99 % dei locutors en 1800 e dessota dei 50 % en 1900, que la davalada comencèt a de bòn dins leis annadas 1860-1870, amb lei progrès de l’ensenhament. Tot aquò per situar lo contèxte quand pareiguèt lo jornau popular setmanier Lou tron de l’èr que visquèt de 1877 a 1882.
Lo 5 de decembre de 2017 en partenariat amb lo Centre Cultural Occitan d'Albigés, l'associacion tarnesa ARPO organizava un Cafè Poesia en Occitan.
Ramon Ginolhac presentava la manifestacion :
Collòqui del 25/11/17 a Narbona Region Occitània : per una fòrça culturala occitana. Las vidèos.
Entrò al 31 de decembre de 2017 a destinacion dels bibliotecaris de la Region Occitània lo CIRDÒC, LR2L e lo CRL-Midi-Pyrénées organizan una enquèsta suls besonhs professionals en matièra de lenga e de cultura occitanas.
Lor objectiu es de desvolopar l’ofèrta de formacion, d’otisses e d’acompanhament dels professionals dels establiments engatjats dins la preservacion e la promocion de la lenga e de la cultura occitanas.
Francesca Celi dins una nòta [ligam] publicada per l'Institut Florian de Cèus detalha los que presidèron las fèstas felibrencas de París de 1879 a 1908.
Propausa d'extraches de las dichas, e per caduna una analisa.
L'institut Florian de Cèus que nos balha aquela presentacion es istoricament ligat a l'associacion dels Amics de la lenga d'òc creada per Joseph Loubet. Aquel, originari de Montpelhièr, la creèt en 1920, amb per ambicion d'amassar los occitans de París altorn de l'estudi de lor lenga. Çò que capitèt de far, e uèi encara en 2017 l'associacion es viva.
Un tèxt de Joan Fourié publicat dins la revista Aicí e ara (mai de 1982).
En 2002 alara que Cantalausa acabava los sieu diccionari, Jacme de Cabanas li donava son punt de vista.
Membre de l'Union Europèa dempuèi 2013, Croàcia emplega dempuèi aqueste 1èr de genièr de 2023 l'èuro coma moneda. De pèças novèlas son donc intradas en circulacion.
Prefaci de Joan-Maria Petit a Pròsas geograficas de Jòrgi Reboul.
En 2017 sortiguèt la revista Los rocaires numèro 2, presentava qualques totèms occitans.