L'entrepresa Electric Motion basada a Càstrias prèp de Montpelhièr desvolopa dempuèi qualques ans de trails electrics per las competicions esportivas.
Dempuèi 2017 l'eTrek, concebut per un usatge urban, ven completar la gama.
L'idèa del constructor es de propausar al mond una mòto polivalenta per un usatge quotidian en vila. Es en venda al prètz de 8 500 èuros (fòra ajuda).
Alimentat per una bateriá de 2,7 kWh l'eTrek permet de percórrer 70 quilomètres, sa velociatat maximala es de 85 km/h.
Aquel veïcul es leugièr (98 kg) e se manipula aisidament. Plan segur es silenciós e polluís pas. Son entreten es limitat, que la pèças mecanicas son mens nombrosas sus un veïcul electric.
L'ajuda governamentala en França per crompar aquel tipe de maquina es de 670 èuros.
