Lo dijòus 20 de març de 2023 la societat estatsunidenca SpaceX ensagèt pel primièr còp sa fusada Super Heavy prevista per mandar sos Starships dins l'espaci.
La debuta del vòl se passèt plan mas de problèmas empachèron de perseguir l'ensag. La fusada foguèt volontariament destrucha qualques minutas après sa partença.
L'ensag malgrat la pèrda al còp del booster Super Heavy (lo numèro 7) e de l'astronau Starship (numèro 27) es puslèu una capitada que l'envòl se passèt plan e l'aparelh posquèt montar a 40 km. Los engenhaires esperavan pr'aquò de poder montar fins a 150 km.
La fin de l'ensag s'acabèt amb l'explosion dels veïculs abans que la deseparacion entre lo booster e l'astronau Starship se posquèsse far.
Jamai una fusada tan poderosa èra pas estada testada. A per vocacion de menar de merças e d'uman, sus la Luna o Mars.
