Lo projècte desvolopat per França e Alemanha avent per vocacion de desvolopar lo carri armat del futur intra dins sa fasa finala.
Lo divendres 22 de mars de 2024 los ministres de la defensa dels dos païses Boris Pistorius e Sébastien Lecornu an anonciat un acòrd sus un projècte comun per definir e fabricar aquel carri armat del futur, lo MGCS, acronim per Main Ground Combat System. L'acòrd pòrta sus la reparticion entre los industrials de las cargas de trabalh. Seràn equilibradas 50/50 e sos la direccion dels alemands.
Lo projècte es estat propausat en 2017. A per vocacion de remplaçar los carris armats Leclerc e Leopart 2.
Un document de trabalh serà signat lo 26 d'abril de 2024.
