L'associacion Passarèla de las Lengas e de las Culturas basada a Vaureal en Illa de França, dins la revista La beluga numèro 101 de l'estiu de 2019, comunica :
Cors de lenga d'òc a Vaureal
Passarèla de las Lengas e de las Culturas, dempuèi 2010, favoriza, dins un èime de fraternitat, la coneissença de las lengas e culturas del mond, las « regionalas » compresas. Organiza uèi talhièrs d'alfabetizacion de francés lenga estrangièra, d'anglés, d'arab, d'espanhòl, de grèc, d'italian e d'occitan-lenga d'òc, amb lo sosten de la Comuna de Vaureal.
Vos assabenta dels corses de lengas dispensats dins l'aglomeracion de Cergy-Pontoise e de Conflans-Sainte-Honorine (departament del Val-d'Oise). Aculhís tota iniciativa en favor de l'aprendissatge o de l'aprigondament de tota autra lenga, dins un esperit de complementaritat amb las activitats desvolopadas ja dins las associacions vaurealianas, cergipontesas o conflanesas.
Propausa sus son site 44 rubricas dedicadas a de lengas diferentas (per ex. alemand, anglés, arab, breton, chinés, cmèr, espanhòl, francés, friolan, grèc, italian, lengas africanas, lenga dels signes, occitan, polonés, portugués, tamol, iidish, etc...) e a de tèmas comuns (Amor, Dangièr, Enfants, Manjar, Revirada- Intercompreneson, Lengas « regionalas », Reviradas originalas...).
Per l'occitan, corses e activitats culturalas cada diluns (part vacanças escolaras) de 19h a 21h30.
Lo site de l'associacion es [aquí]. Lo cors de lenga occitana se tend lo diluns de 19h00 a 20h30.
