Detalh de la pintura d'Hyacinthe Rigaud, Louis XIV en costume de sacre, 1701
Dins la revista Lo Lugarn numèro 94, Cristian Rapin presentava lo libre d'Hubert Delpont Parade pour une infante.
Dins Parade pour une infante (Edicion d’Albret, 240 p., 18 €) Hubert Delpont nos conta l’abracadabranta escorreguda noviala del Rei Solelh en çò nòstre.
Tretze meses de viatge per aculhir la promesa, l’Infanta d’Espanha. Quinze mila òmes e uèit mila cavals travèrsan lo reialme. Es lo pòble occitan, ja aclapat d’impòstes, que noirís, albèrga tota aquela piocalha d’ambaissadors, de prelats, d’oficièrs, de vailets e de sauta-en-banca.
Loís passa setanta-cinc jorns a Tolosa, i visita los Cordelièrs, los Jacobins, los Augustins, Sant Sarnin, Nòstra Dòna del Taur, los Penitents Blaus. Mas lo pòble de la vila mondina fa lo morre. Lo subre-intendent Fouquet los taxa orriblament e lo sobeiran decidís que los Capitols seràn d’ara enlà nomenats e pas mai elegits.
Cristian Rapin
Lo Lugarn 94, 2008
