L'Ofici Public de la Lenga Occitana (OPLO) debuta al mes de novembre de 2021 un cicle de visioconferéncias : Los dimars de l'OPLO.
Per cadun d'aquestes eveniments un o una cercaira aurà carta blanca per presentar un aspècte de sa recèrca en ligam amb la lenga nòstra.
Lo dimars 23 de novembre de 2021 a 18h es Alexander Sigmund de l'universitat de Viena (Àustria) que s'interrogarà sus l'avenidor de l'ensenhament de l'occitan.
Alexander Sigmund sostenguèt en 2019 una tèsi en sociolingüistica occitana. Aquí presentava una analisi dels enjòcs e de las possibilitats de l’ensenhament institutionnalizat de l'occitan en Franca. Es dempuèi 2019 cargat de cors de lenga occitana a l’Institut de Lengas Romanicas de l’Universitat de Viena.
Una visioconferéncia, Los dimars de l'OPLO, es prevista cada trimèstre.
