L'IEO comunica :
"Volontariat per l’occitan es organizat per l’Institut d’Estudis Occitans. Coma lo Volontariat per Aranés, a per tòca la mesa en relacion d’un "Volontari" es a dire una persona que mestreja l’occitan correntament, amb un "Aprenent" es a dire qualqu’un que sap las basas de l’occitan e que vòl préner d’assegurança.
"Sufís d’aver una ora per setmana de liura pendent 10 setmanas. Per un Aprenent, vos permetrà de vos assegurar dins la vòstra practica de l’occitan, d’aquesir un occitan mai corrent e d'alargar las vòstras coneissenças culturalas. Se sètz Volontari, vos donarà una escasença mai de practicar la lenga e de partejar las vòstras coneissenças. Tot aquò dins un encastre ludic, fòra d’un quadre de cors e dins un luòc agradiu.
"Qual pòt participar ? Los Volontaris son de personas majoras que parlan occitan correntament. Cap certificacion en lenga es necessària, sonque l’enveja de partejar sa coneissença de la lenga, fòra d’un encastre professoral. Los aprenents son de personas majoras qu’an una coneissença basica de l’occitan e qu’an enveja, de ganhar mai d’assegurança, mai de fluiditat, e de far de l'occitan una lenga mai presenta dins la vida de cada jorn.
Ligam IEO aquí
