L’IEO d'Avairon comunica - L'IEO 12 vos convida al rencontre « a la descobèrta d’una òbra » lo dimècres 7 de decembre de 2016 a 18 oras, a l’Ostal de las associacions (Av. Tarayre, Rodés) : Imbèrt de Salas, aparaire de Montsegur de Bernard Mahoux e Jean-Louis Biget, revirat en lengadocian per Jòrdi Raffanel, Joan Antòni Costumero, Jòrdi Blanc. Publicat per Vent Terral en 2016.
Imbèrt de Salas, aparaire de Montsegur es un roman istoric que conta la vida d'Imbèrt de Salas, un òme de la pichona noblessa occitana, al temps de la repression del catarisme.
A la seguida, un estudi de Jean-Louis Biget torna plaçar dins lor contèxte totes los eveniments atestats de la vida d'Imbèrt de Salas.
Rencontre organizat per l'IEO 12, dobèrt a totes e a gratis, amb lo veire de l'amistat per clavar la serada e perlongar los escambis.
Podètz convidar los vòstres amics !
