La societat Volocopter basada en alemanha presentèt lo 17 d'abril de 2018 sa concepcion de las infrastructuras de transpòrt urban per dròne de deman : una combinason de Volo-Hubs e de Volo-Ports.
Aqueles se pòdon integrar a las arquitecturas urbanas actualas a mendre còst. Es al torn d'aqueles elements que la societat prevei d'organizar lo sieu servici de taxi volant.
L'idèa es de desvolopar de navetas aerianas d'un punt a un autre. Per exemple entre un aeropòrt e lo centre vila de la ciutat vesina amb una granda regularitat. Preveson de far partir un veïcul cada trenta segondas. Aqueles, electric e autonòm, podrián carejar doas personas fins a 27 km de distància.
Los Volo-Hubs son simplament de plataformas que permetan als taxis de se pausar. Son religats als Volo-Ports per un tapís que carreja los drònes. Los Volo-Port son cobèrts, aquí la pratica pòt embarcar e desbarca tranquillament, e los aparelhs son stocats e mantenguts.
Alex Zosel, cofondator de Velocopter, pensa de poder propausar un primièr sistèma foncional dins un detzenat d'ans. Los veïculs, eles, son ja foncionals.
