Sébastien Gendron cofondator e PDG de l'entrepresa TransPod anoncièt lo dimars 22 de genièr de 2019 a París la creacion de sa filiala francesa TransPod France. Los sieus burèus seràn installats a Lemòtges.
Tres partenariats son prevists. Amb ArcelorMital, EDF e La SADE.
La societat aviá ja manifestat son interés pel Lemosin ont prevei de bastir a Droux una pista d'ensag. Las construccions deurián debutar al printemps de 2019.
Localament una associacion, Hyperloop Limoges sosten los projèctes de la societat TransPod.
Dusca ara èra presenta a Tolosa. Los burèus tre lo mes de febrièr seràn mudats a Lemòtges.
Demòra a Tolosa la societat Hyperloop Transportation Technologies (HTT). Lor pista d'ensag es ara en construccion a Francazal.
