Lo dimars 21 de setembre de 2021 lo constructor d'avion Airbus, l'especialista dels gases industrials Air Liquide e l'operator aeroportuari Vinci Airports an anonciats un partenariat per desvolopar l'usatge de l'idrogèn dins los aeropòrts.
Es l'aeropòrt de Lyon-Saint-Exupery qu'aculhira las primièras installacions tre 2023.
Aquestas concernisson la produccion, l'estocatge e la mesa a disposicion de l'idrogèn necessaris als usatges futur del sector. Tant pels aparelhs qu'evoluisson al sòl que pels avions.
En foncion de l'evolucion dels besonhs son totes los aeropòrts del malhum europèu de Vinci Airport que los tres partenaris preveson d'equipar.
Lo desvolopament d'avion a idrogèn fan pas que debutar. Las solucions tecnicas per un tal mòde de propulsion son pas encara estadas definidas. Airbus trabalha sul subjècte dempuèi 2018, lo programa se nomma ZEROe. L'objectiu dels actors del sector es de decabanonizar lo sector aerian.
D'autras solucions existisson per decarbonar lo sector aerian : notadament los motors electrics sus la quala trabalha Wright Electric en collaboracion amb EasyJet.
