Se dabanèt dins la nuèch del divendres 22 al dissabte 23 de mai de 2026 lo dotzen ensag del Starship de SpaceX.
Al còp lo booster Super Heavy e lo Starship èran dins lor novèla version, la V3. Aquel tèst èra lo primièr per aquesta version.
La partença se passèt plan, los 33 motors del Super Heavy s'aluquèran correctament. La separacion del Starship se passèt plan tanben. Un sol problèma : un dels siès motors de l'astronau s'escantiguèt trop lèu.
Lo vòl pr'aquò se posquèt perseguir sens problèma e un còp en orbita la simulacion de lançament de satellits se posquèt debanar. Èran 22 exactament. Non pas de vertadièrs mas de satellits de demonstracion. Son estats mandat dins l'espaci sens cap de problèma.
Lo Starship puèi contunhèt son viatge fins a l'ocean indian. Aquí, après un pauc mai d'una ora de vòl, tornèt dabalar. La descenta se passèt coma previst e l'astronaut se venguèt pausar docamenton sus l'ocean abans de far la cabusada.
Los engenhaires de SpaceX avián pas previst de recuperar per aquel ensag ni lo booster ni lo Starship.
Lo Starship en orbita bassa sus l'ocean indian lo matin del 23 de mai de 2026
