Comunicat del Partit de la Nacion Occitana en seguida de la mòrt de Cristian Rapin lo 2 d'agost de 2022.

In memoriam

Lo Partit de la Nacion Occitana a l’immensa dolor de vos anonciar la despartida de nòstre plan car Cristian Rapin.

Perdèm un militant politic, companh de rota de Francés Fontan, e un òme de tria engatjat dempuèi totjorn dins la promocion de nòstra lenga, l’occitan e l’emancipacion de la nacion occitana.

Perdèm tanben, lo co-fondator de l’Escòla Occitana d’Estiu, l’escrivan, lo poèta e lo lexicograf que nos daissa una òbra tras que rica que marcarà l’istòria de la literatura occitana.

Presentam nòstras condolenças esmogudas a son esposa, a sos filhs e a tota sa familha.

Per lo Partit de la Nacion Occitana
Lo president, Joan-Pèire Alari, 02/08/2022


Patrici Pojada sus l'aranés e l'occitan general

L'aranés e l'occitan general

En 2010 la generalitat de Catalonha publicava quatre estudis sus l'aranés e l'occitan general.

Occitània en qualques mots

Detalh de la cobèrta 'L'Occitanie en 48 mots' d'Herve Terral

En 2014 sortissiá lo libre L'Occitanie en 48 mots d'Hervé Terral.

Votacion del Parlament Europèu per melhorar la mobilitat electrica

Lògo recarga electrica

A la debuta del mes de julhet de 2023 lo Parlament Europèu votèt per l'adopcion de règlas novèlas per fin de far créisser lo nombre de las estacions que permeton de recargar los veïculs electrics. Las novèlas disposicions preveson tanben de ne facilitar l'usatge.

Punt de vista d'Ives Roqueta sus l'occitanisme (1965)

La revista Viure en 1965 interrogava los actors de l'occitanisme del temps. Aquí lo testimoniatge d'Ives Roqueta.