Se debanaràn a Montpelhièr de febrièr a abril de 2025 a l'universitat Paul Valery d'encontres sul libre occitan.

Lo dimars 4 de febrièr, Richard Vassakos, professor d'istòria-geografia e cercaire associat al laboratòri Crises, e Claire Torreilles, agregada de letras classicas, presentaràn lors trabalhs sus de libres consacrats a la Resisténcia : Juliette et les visages de la Résistance, 1944 en biterrois per Richar Vassakos, e Vida de Jean Larsignac de Robèrt lafont, traduch en francés per Claire Torreilles.

Lo dijòus 20 de març en partenariat amb la Maison de la Poésie de Montpelhièr se festejarà la prima dels poètas. Dos artistas son convidats : Rodin e Jaume Privat.

Lo dijòus 3 d'abril l'encontre aurà per tèma las luchas de 1973. Los escambis seràn dedicats a dos libres que tornan suls faches istorics e eveniments politics que se debanèron en Occitània en 1973 : Larzac, histoire d'une résistance paysanne amb Pierre-Marie Terral e Sébastien Verdier, e Gens de Bauden, avant la naissance, en 1973, du lac de Sainte Croix, amb Célina Magrini.

Lo dimars 15 d'abril d'estudiants de licéncia e de master del departament d'occitan de l'universitat de Montpelhièr 3 presentaràn e legiràn de pròsa de dos autors contemporanèu, Aure Seguièr e Florent Mercadièr, e lor pausaràn de questions. Aquesta sesilha marca la volontat dels organizators d'associar directament los estudians al trabalh dels cercaires.


Conte : 'L'enfant polit' de Joan Bodon

Lo Drac

Lo conte L'enfant polit de Joan Bodon foguèt publicat dins lo recuèlh Contes del Drac en 1975.

Temps de castanhas, temps de Totsants...

Aliment emblematic dels païses occitans, la castanha.

Ajuda militara a Ucraina : Caesars e missils AASM

Missil AASM

Lo 18 de genièr de 2024 lo ministre de la defensa francés Sébastien Lecornu anoncièt un cèrt nombre de mesuras per ajudar Ucraina dins sa lucha contra l'occupant rus.

L'occitan es un balon de rugbi !

rugbi

En setembre de 2013, J. B. publicava sul site de l'IEO d'Aveyron lo sieu punt de vista sus la lenga occitana.

Jòrdi Labouysse : 'Occitània, Moments d'histoire'

Jòrdi Labouysse : 'Occitània, Moments d'histoire', 2023

Lo libre Occitània, Moments d'histoire de Jòrdi Labouysse publicat a la prima de 2023, recampa d'articles publicats entre 1980 e 2010 ligats a l'istòria dels païses occitans.