Lo 19 de novembre de 2021, lo cancelièr Alexander Schallenberg anoncièt que la populacion austriaca seriá tornarmai confinhada tre lo 22 de novembre per vint jorns, tot lo mond, vaccinats e non vaccinats, e que tre lo mes de febrièr de 2022 la vaccinacion seriá obligatòria dins lo país.
Lo divendres 5 de novembre de 2021 la societat Pfizer anoncièt que sa pilula contra la malautiá de la covid-19 èra eficaça a 89 %.
Segon un estudi menat en França per Epi-Phare en collaboracion amb l'Assegurança malautiá e l'Agéncia del medicament, los vaccins contra la covid-19 serián eficaces.
En frança, la Nauta Autoritat de la Santat (HAS) confirmèt a la fin del mes de setembre de 2021 que la coadministracion dels vaccins contra la gripa e contra la covid-19 presentava pas de dangièr.
Lo dimècres 15 de setembre de 2021 la présidenta de la Commission Europèa, Ursula von der Leyen, faguèt son discors sus l'estat de l'Union.
Tre lo diluns 30 d'agost de 2021 la velocitat maximala autorizada per se deplaçar dins París càmbia : passa sens precision contrària a 30 km/h.
Lo telecargament de las atestacions de vaccinacion se pòt far sul site : attestation-vaccin.ameli.fr
Dimars 24 d'agost de 2021 la Nauta Autoritat en carga de la santat propausèt d'organizar per la personas de mai de 65 ans una tresena injeccion de vaccin contra la covid-19.
Las autoritats estatsunidencas an anónciat lo dimècres 18 d'agost de 2021 qu'una tresena injeccion de vaccin contra la covid-19 seriá possibla tre lo 20 de setembre.
Lo dimècre 4 d'agost de 2021 la Comission Europèa anoncièt qu'aviá precomandadas 200 milions de dòsis de vaccin contra la covid-19 a la societat Novavax.
Lo dijòus 5 d'agost de 2021 lo president de la Republica francesa, Emmanuel Macron, confirmèt qu'una campanha de vaccinacion per una tresena dòsi se dubririá a la dintrada.
Dijòus 29 de julhet de 2021 lo primièr ministre Israelian, Naftali Bennett, anoncièt que las pesonnas de mai de 60 ans podrián tre lo primièr d'agost reçaupre una tresena injeccion de vaccin contra la covid-19.
La presidenta de la Comission Europèa, Ursula von der Leyen, anoncièt dimars 27 de julhet de 2021 que 70 % dels europèus de mai de 18 ans avián recebut almens una dòsi de vaccin contra la covid-19.
Divendres 23 de julhet de 2021, l'Agéncia Europèa dels Medicaments (EMA) anoncièt qu'autorizava l'utilizacion del vaccin contra la covid-19 de la societat Moderna pels joves de 12-17 ans.
Lo dimècre 14 de julhet de 2021 la Comission Europèa desvelèt sas proposicions de lei per combatre las emissions de gases responsables del rescalafament climatic.
En França dempuèi lo 9 de junh de 2021 per poder accedir a d'eveniments culturals, sportius o professionals que remosan mai de 1000 personas cal un pass sanitari.
Israèl debutèt sa campanha de vaccinacion contra la covid-19 tre la fin de 2020 e posquèt en qualques meses vaccinar una part importanta de sa populacion. Lo país venguèt una mena de laboratòri per las societats farmaceuticas que fornisson los vaccins, notadament Pfizer e BioNtech.
Lo primièr ministre Jean Castex anoncièt lo dimècre 16 de junh de 2021 que tre lo dijòus 17 lo pòrt de la masqueta en exterior seriá pas pus obligatòri sus tot lo territòri.