S'acaba lo temps ont los veïculs a propulsion termica èran la nòrma. Segon lo mèdia Automotive News Europe, en 2023 es la Tesla Model Y que seriá estada la mai venduda en Euròpa abans la Dacia Sandero.
La chifras son saradas. Segon lo decompte dels jornalistas, 254 822 exemplaris del Model Y son estats liurats, contre 235 893 exemplaris de la Sandero. Las donadas tenon compte del Reialme Unit.
Es lo primièr còp dins l'istòria que lo modèl mai vendut es electric. Es tanben lo primièr còp qu'es de concepcion estatsunidenca e non europèa.
De notar tanben que la Model Y es pas un pichon veïcul. Las melhoras vendas se fan generalament amb de veituras mai accessiblas, de Golf o de 208.
