Lo dissabte 14 de setembre de 2019 serà inaugurada a Tolosa davant l'intrada del Jardin de las Plantas l'estatua de Frederic Mistral.
L'òbra de Sébastian Langloÿs serà desvelada a 14h30. Un vin d'onor porgit per la comuna de Tolosa accompanharà l'eveniment.
Seràn presents : Carole Delga presidenta de la region Occitània, Jean-Luc Moudenc cònsol màger de la vila e Jacques Mouttet capolièr del Felibrige.
La velha, una jornada d'estudi es prevista a l'Ostal d'Assezat sus Frederic Mistral e l'expausicion Mistral e l'Euròpa serà inaugurada a l'Ostal d'Occitània.
Las manifestacions son organizadas per lo Felibrige amb lo sosten de la region Occitània e de la comuna de Tolosa. Convergéncia occitana, Calandreta, lo CIRDÒC e l'Universitat Joan Jaurés participaràn als eveniments.
