Secret de l'èrba
Se dabana del 4 de setembre fins al 2 d'octobre de 2020 a Lesinhan la mòstra fotografica Secret de l'èrba. Las òbras son de Georges Souche.
Lo nom d'aquela exposicion ven d'un dels tèxtes fondators de l'òbra de Max Roqueta Verd Paradís.
Georges Souche amb aquelas fotografias, rend omenatge a l'escrivan amb lo qual publiquèt mantuns obratges entre 1995 e 2003.
Lo fotograf nos mena al còr dels territòris intimes del país de l'enfança de l'autor, entre garriga secrèta, graminèas que sorgisson de l'ombra, òrts abandonats e autras sorsas misteriosas.
