Après las eleccions del 21 de decembre de 2017 en Catalonha, lo Partit de la Nacion Occitana comunica :
Eleccions en Catalonha
Lo dijòus 21 de decembre de 2017 unes 5 780 775 electors emai electrices catalans ciutadans de la Generalitat de Catalunya o residents a l’estrangièr èran cridats a las urnas per designar lors deputats al Parlament de Catalonha.
Aquestas eleccions convocadas en aplicacion de l’article 155 de la constitucion coloniala espanhòla de 1978 venián apuèi la declaracion Unilaterala d’Independéncia de Catalonha proclamada lo 27 d’octòbre de 2017 per la majoritat sobeiranista eissida de las eleccions de setembre de 2015.
Lo Collectiu Occitan prepara una jornada reivindicativa lo dissabte 3 de febrièr. L'objectiu màger d'aquela manifestacion es de demandar als poders publics que l'occitan siá present cada jorn a la television sus França 3.
Lo collectiu estima que la mobilizacion es d'autant mai necita que i a de mai en mai de reduccions de credits a la television publica. Vòl tanben veire se desvolopar de vertadièrs mèdias de país amb de redaccions localas.
Lo conselh regional de Provença vòl cambiar dins sa comunicacion
lo nom de la region.
A adoptat en decembre de 2017 la signatura Région Sud,
Provence-Alpes-Côte d'Azur.
Los elegits semblan de considerar l'adjectiu sud coma valorizant, vòlon far de Provença una Region Sud.
Fin de 2017. L'IEO comunica : Per respondre a una importanta diminucion de las subvencions publicas,
l’Institut d’Estudis Occitans fa una crida a donacion abans la fin de l’annada de 2017.
Au mes d’octòbre, l’Institut d’Estudis Occitans (IEO) foguèt assabentat que tocariá, en 2017, la mitat solament de la subvencion annadiera balhada per l’Ofici pubic de la lenga occitana (OPLO) au nom dei regions Occitanie-Pyrénées-Méditerranée e Nouvelle-Aquitaine, e de l’Estat.
L'associacion qu'organiza l'Escòla Occitana d'Estiu de Vilanòva d'Òlt, es en dificultat. Comunica de 2017 :
Es prevista, a Tolosa, lo dissabte 3 de febrièr de 2018 una manifestacion per afortir l'emplec de la lenga dins los mèdias.
Se farà davant los locals de França 3. Dotze associacions e movements occitanistes an fargat un collectiu cargat de l'organizacion d'aquel eveniment. La mobilizacion comença.
La reinvindicacion serà : Volèm l'occitan cada jorn a la television !
Ongan en 2017 lo govèrn francés a anonciat que creava una agregacion d'occitan. Un pòste solament es previst pel concors de 2018 e sonque quatre pel CAPES.
La FELCÒ (Federacion dels Ensenhaires de Lenga e de Cultura d'Òc) comunica sul subjècte.
Un pòste a l’agregacion, quatre pòstes al CAPES d’occitan 2018 : se trufarián pas de nosautres ?
A la prima passada, los ensenhaires d’occitan se regaudissián, après d’annadas de demandas vanas, de la creacion d’un concors d’agregacion de lengas de França – opcion occitan, mai de 20 ans après la creacion del CAPES. La dubertura de l’agregacion dubrissiá enfin de possibilitats d’evolucion de carrièra als centenats de professors en pòste en licèus e collègis, e ofrissiá de perspectivas als estudiants. De formacions dubriguèron a Tolosa et Montpelhièr.
Après las eleccions que se debanèran en Corsega lo 3 de decembre de 2017 lo Partit de la Nacion Occitana comunica :
L’unitat de las fòrças nacionalistas còrsas a pagat
La tièra de la coalicion nacionalista còrsa Pè a Corsica (Per Corsega) regropant los autonomistas e los independentistas es arribada largament davant dimenge 3 de decembre de 2017 amb mai de 45 del 100 de las voses per la primièra votacion de las eleccions territorialas en Corsega. Aquestas eleccions devon far espelir una collectivitat unica per la fusion de la Collectivitat Territoriala Corsega, anciana region, amb los dos departaments.
Novembre de 2017. A Sant Sulpici la Punta, dins lo departament de Tarn, los noms de las carrièras son ara
en occitan.
Aquela accion de la comuna permet de valorizar la lenga nòstra, d'afortir sa legitimitat en país occitan, mas tanben de legitimar son emplec e sa socializacion.
Sèrgi Viaule sul site del Partit de la Nacion Occitana precisa las condicions que permetèran la concretizacion d'aquesta demanda dels ciutadans.
Lo CIRDÒC comunica : Lo 25 de novembre que ven es organizat a l’Ostal de la Comuna de Narbona (11) lo 3en collòqui regional de l’associacion País Nòstre. L’associacion País Nòstre s’es balhada per amira d’animar lo debat d’idèa a l’entorn dels enjòcs de la lenga e de la cultura occitanas dins la societat actuala. L’associacion organiza en particular un collòqui annadièr sus un tèma grand de l’accion publica.
Dins sa revista d'octobre e novembre de 2017 la region Occitània comunica en occitan sus los mejans d'aprene la lenga occitana.
Manifestacion del 8 de novembre de 2017 a Tolosa, la FELCO comunica :
Lo 8 de novembre s’organiza a Tolosa una manif per mai d’occitan dins los mèdias publics. Lo CA es estat consultat e de la consultacion s’es desgatjada la posicion seguenta :
13/10/17 - Après l'acamp de Tolosa del 9 d'octobre de 2017, lo Partit de la Nacion Occitana comunica : Lo Partit de la Nacion Occitana sosten lo Collectiu Occitan.
Los movements Occitans s’i tòrnan a revendicar. Dètz associacions e movements que s’amassèron fa qualques jorns a Tolosa creèron un Collectiu occitan que fa una crida a l’accion dins las setmanas venentas.
Lo 9 d'octobre de 2017 a l'apèl del movement País Nòstre se debanèt a Tolosa un acamp per discutir de la plaça de l'occitan a la television.
Segon lo jornal La Setmana un trentenat de personas èra present. De membres de Convergéncia Occitana (Joan-Francés Laffont), de la Confederacion Calandreta (Joan-Loís Blenet), del Partit Occitan, del Partit de la Nacion Occitana, de Bastir Occitània, de País Nòstre, d'Europe Ecologie Occitània èran present. L'Esquèrra Revolucionària occitana, Ràdio Occitània e l'associacion Macarel èran tanben representats.
28/09/2017 - La cadena occitana e nòrd catalana
TV Sud càmbia de nom per venir ViàOccitanie. Basada a Tolosa,
Montpelhièr, Nimes e Perpinhan serà disponible sul canal 31 de
la TNT e 30 sus las boitas.
Abandona sa collaboracion amb Tè Vé Òc, donc sa programacion en occitan.
Los organizators de "La Dintrada", forum ciutadan occitan que se debanèt lo 16 de setembre de 2017 a Narbona, comunican :
"La Dintrada" a reüssit a renovelar lo discors e lo "personal" occitanistas.
Lo forum ciutadan occitan "La Dintrada" se debanèt a Narbona lo 16 de setembre. La jornada se debanèt fòrt plan e 80 personas assistiguèron a las diferentas taulas redondas e debats.
Lo movement País Nòstre comunica :
Dempuèi 2016, Occitània es oficialament marcada sus la carta del mond ! Amb aquèla reconéissença tornan retrobar l'ostal e los ligams prigonds de l'istòria.
Occitània es pus bèla qu'Irlanda e amb 6 milions d'estatjants es una poténcia geografica, demografica e economica de tria.
27/09/17 - Lo movement País Nòstre comunica : Amigas, Amics,
L'ora es venguda de tornar lançar la reivindicacion occitana ! Fasèm la proposicion d'una campanha sus lo tèma : "Volèm l'Occitan cada jorn sus las antenas de FR3 e TV SUD".
Una campanha activa amb de manifestacions, a l'encòp en direccion de las televisions e del Conselh Regional Occitanie.