La societat HTT (Hyperloop Transportation Technologies) presenta a Tolosa ven d'acabar lo montatge de sa pista d'ensag sul site de Francazal. L'entrepresa comuniquèt sus aquela realizacion lo 26 de febrièr de 2019.
Lo tubes d'acièrs son estats assemblats sus una longor de 320 mètres. Los tèsts debrián debutar al mes d'abrial.
Demòra als engenhaires e tecnicians de metre en plaça lo sistèma de pressurizacion. La capsula que preveson d'emplegar pels tèsts nomada Quintero 1 es ja a Tolosa. Es estada concebuda en Espanha.
Segon los dires de la societat lo site de Tolosa debriá èsser lo luòc d'ont serián bailejats los programas prevists per Abu Dhabi e la China.
Es lo 24 de genièr de 2017 que HTT signèt un acòrd amb la region Occitània, la metropòla de Tolosa e l'Estat per s'implatar a Tolosa.
TransPod, societat en concuréncia sus aquela tecnologia dels iperlops, decidiguèt ela de s'implantar en Lemosin.
