La societat Wright Electric basada als Estats Units, a per ambicion de descarbonar lo transpòrt aerian. Per aquò far desvolopan de motors electrics.
Lor objectiu primièr es d'equipar un avion BAe 146. Aquel aeronèf possedís quatre motors e pòt carrejar fins a 100 passagièrs sus de distàncias cortas.
La durada de vòl de l'aparelh despassariá pas una ora.
Los engenhaires de Wright Electric preveson d'efectuar de tèsts en condiccion reala d'un de lors motors montat sul BAe 146 en 2023. Tres motors demorarián donc encara non electric.
En 2024 passarián a dos motors electrics, la mitat, e a quatre, donc la totalitat, en 2025.
Preveson de metre en servici aquel primièr avion a zèro emision que nomman lo Wright Spirit en 2026.
Après 2040 considèran que los vòls efectuats sus de distàncias inferioras a 1 200 km se podràn far sens emissions mercés als motors que desvolopan.
