forum-d-oc Lo 5 de febrièr de 2022 al Teatre de la Mediteranèa a Tolon se debanarà la convencion del Forum d'Òc.

Lo subjècte ne serà après la votacion de la lei Molac : Quinas pistas d'accion per las lengas de França ?

La manifestacion se debanarà en preséncia de Na Virginie Pin, vice-presidenta del Conselh Regional provençal. Participaràn tanben :

  • Paul Molac, deputat del Morbilhan (en visioconferéncia) ;
  • Michel Felin-Palas, jornalista a L'Express ;
  • Médéric Gasquet-Cyrus, mèstre de conferéncia a l'Universitat d'Aix-Marselha e jornalista a France-Bleu-Provence.

Las informacions praticas per participar son sul site del Forum.

Lo Forum d'Òc festeja ongan sos sèt ans. Creat en 2014, es destinat a recampar las accions en favor de la lenga occitana en Provença. Son mai de 500 associacions o institucions que lo compausan.

Programa forum d'òc 2022 1

Programa forum d'òc 2022 2


Sul telefilm de Jacques Malaterre, 'L'Assassinat d'Henri IV'

Lo rei Enric IV

En 2009 sortissiá a la television francesa lo telefilm L'Assassinat d'Henri IV.

Enric Pascal de Ròcaguda

Enric Pascal de Ròcaguda

Dins lo corrièr dels lectors de La Setmana en febrièr de 2013 Ramon Ginolhac tornava sus l'òbra d'Enric Pascal de Ròcaguda.

Los Païses Basses e Danemarc mandaràn a Ucraina de F-16

F-16C

Dimenge 20 d'agost de 2023, Mark Rutte, primièr ministre neerlandés, anoncièt que de F-16, avion de combat de concepcion estatsunidenca, serián mandats a Ucraina per los Païses Basses e per Danemarc.

Patrici Pojada sus l'aranés e l'occitan general

L'aranés e l'occitan general

En 2010 la generalitat de Catalonha publicava quatre estudis sus l'aranés e l'occitan general.

Max Roqueta e lo roman

Mièja-Gauta

Lo tèxt çai-jos es extrach de la plaqueta de presentacion de la mòstra : Max Roqueta, la libertat de l’imaginari, que se debanèt en 2014 e 2015 a Montpelhièr.