Coma cada an l'IEO d'Aveyron organiza al mes de setembre sa Passejada Occitana.
Ongan se debanarà lo dissabte 23 de setembre.
L'objectiu dels organizators es de permetre al mond de poder al còp caminar e vistalhar lo país, amb per guida un locutor occitanofòn.
Lo 23 de setembre la passejada menarà sos participants, sus sièis o sèt quilomètres, del costat del causse de Sebasac. Lo guida serà Cristian Andrieu.
Seràn al programa, lo vilatge de Cadairac, las pèiras levadas, los escavaments arqueologics descobèrts, las activitats del sègle passat e de uèi.
Rendètz-vos es donat a 14h00, plaça de la glèisa de Cadairac.
La jornada s’acabarà dins l’amistat d’un quatre oras partejat.
