En collaboracion amb l'IEO, los archius de Carcassona organizan del 14 de febrièr de 2017 al 30 de junh la mòstra Occitan, Occitanie.
L'expausicon vos convida a descobrir la lenga, son istòria, los movements culturals ligats dempuèi de sègles a la lenga occitana.
Lo dissabte 4 e lo dimenge 5 de març de 2017, après lo succès de l'edicion de 2016, l'Ostau dau País Marselhés torna organizar un estagi immersiu d'occitan.
L'estagi es destinat a totes los que coneisson un bocin la lenga e que vòlon melhorar lor parlar.
La lenga occitana serà lenga de referéncia sus los dos jorns, lenga de comunicacion, amb per objectiu de crear un vertadièr banh lingüistic.
L’Ostal Sirventés de Carcassona aculhirà dimècres 8 de febrièr de 2017 la primièra assemblada dels legeires de Jornalet de l'annada, dins l’encastre de las Febrejadas.
Se tracta d’una reünion dobèrta ont lo capredactor d’aqueste jornal en linha explicarà son trabalh de cada jorn, lo foncionament del mèdia, e escotarà totas las opinions dels legeires que participaràn a l’assemblada.
Programa de la quinzenada organizada en Cabardés del 21 de febrièr de 2017 al 4 de març de 2017.
Per dançar, cantar, parlar, jogar, apréner, encontrar, manjar...
Dins son magazine del mes d'octobre e de novembre de 2016 la comuna de Tolosa presentava en occitan una entrevista Florence Salinié, fondator e cosinièr de La Topina, bar a tapàs associatiu, al còr de Tolosa ont se pòt manjar de productes locals e charrar un moment en occitan.
Dubriguèt lo 15 d’abril de 2016 a l’Ostal d’Occitània.
Agenda del Club occitan de Noisy le Grand per la debuta de 2017.
Las sesilhas son de 19h fins a 22h.
Adreça : sala George Sand, alèa George Sand, 93160 Noisy le Grand, RER linha A 4 direccion Marne-la-Vallée a 200 mètres de l’estacion RER Noisy-Champs.
Lo Cocut es un còr occitan de cantaires. Nascut en 1992 a Clapièrs (Erau), organiza d'espectacles centrat sul cant.
L'objectiu dels membres fondators èra d'enriquir lo repertòri tradicional per dire d'animar melhor e en occitan las famosas fins de taulejada. Uèi organizan d'espectacles sus un repertòri fargat de « bric et de broc » amb las cançons que coneisson. N'an pel moment mai de dos cent.
Coma cada an l'IEO del Vilafrancat organiza ongan las setmanas occitanas. Del 11 al 26 de febrièr de 2017.
Lo 11 de febrièr, al cinèma Vox a 15h, projeccion del filme Dins la votz dels sègles de Marc Oriol amb Renat Jurié.
Dijòus 2 de febrièr de 2017 a 18h a la Topina a Tolosa : Cafè Cantaire amb Xavier Vidal e l'AMTET.
Xavier Vidal, l'AMTET e La Topina prepausan un Cafè-Cantaires ont cadun pòt cantar, e d'instrumentistas acompanhan lo grop. Aquí un biais per aprene la lenga, pels cantaires confirmats tant coma per aqueles qu'an pas jamai cantat.
L’IEO 12 vos convida al rencontre « a la descòberta d’una òbra » lo dimècres 1ièr de febrièr de 2017, 18h, a l’Ostal de las associacions, avenguda Tarayre a Rodés, sala 108 (1ièr nivèl). Libre presentat : La Banda de Jaume Landièr (IEO Edicions, A tots, 2015).
Rencontre en preséncia de l'autor que presentarà lo roman.
Lo Centre Occitan Ròcaguda d'Albi comunica - La Dictada Occitana de 2017 en Albigés se farà lo divendres 27 de genièr de tal biais de poder aver de classas d’escolans entièras : esperam a Albi al torn de 210 enfants venguts d’Escòlas publicas e de Calandreta.
Lo Centre Occitan de Rocheguda presentava lo 10 de decembre de 2016 a Albi una conferéncia sus l'escrivana Ivona Boyer-Hérail.
Sortida de Vabre, d’una familha d’industrials, se metèt a l’escritura a l’ora de la retirada dins las annadas 1960. Son engatjament felibrenc la menèt cap al « Miègjorn », Tolosa e Besièrs.
Lo site fabula.org presenta los comptes renduts del collòqui Tolosan del 2 d'octobre de 2015 sul barròc occitan. Presentacion :
A la fin dels ans 50, Robèrt Lafont apliquèt la categoria « barròc » a la producion literària en occitan dels sègles XVI e XVII.
Sul site Occitanica en collaboracion amb lo CIRDÒC, Marie Lorente presenta qualques documents, tèxtes e imatges, per ensenhar l'istòria : preïstòria, antiquitat, edat mejana.
Dijòus 19 de genièrs de 2017 a 18h : Conferéncia d'Alem Surre-Garcia, Occitània, tèrra d'espiritualitats.
Aquela conferéncia-diaporama vòl far conéisser la riquesa e la complexitat dels flusses religioses e filosofics, ortodòxes o eterodòxes, que traversèron e farguèron las mentalitats del mond d'òc. Son confront, a de còps d'una violéncia extrèma, amb los dogmatismes e los absolutismes del temps, nos permet de melhor agantar las contradiccions de las nòstras societats. Aquò jos l'aflat de Convivéncia.
La dictada occitana se farà a París lo dissabte 28 de genièr a 14h30, Maison des Associations, 22, carrièra Deparcieux 75014 Paris, mètro Denfert o Gaîté, en ligason amb las manifestacions que se tendràn dins los Païses occitans e en Catalonha.
10/2016 - Lo departament d'Òlt e Garona comunica - Après un an e mièg de trabalh de l’ATP (Arts e Tradicions Popularas), l’Ostau Marmandés durbissiá sas pòrtas lo 1ièr de septembre de 2016 dins l’ancian « Ostal dels Mestièrs d’art » carrièra Labat a Marmanda. Regroparà en un sol lòc totas las activitats dels ATP.
Dins lo conte Lo fiu de l'uòu publicat en 2001 per Atlantica, Robèrt Lafont s'arrèsta dins sa narracion a Besièrs en 1209 del temps de la crosada e del grand masèl. Extrach.
Lo 15 d'agost de 1911 dins La dépêche du Midi èra publicat un article de Joan Jaurés. Tornava aquí sus la lenga occitana que parlava correntament.
Lo 18 de genièr de 2024 lo ministre de la defensa francés Sébastien Lecornu anoncièt un cèrt nombre de mesuras per ajudar Ucraina dins sa lucha contra l'occupant rus.
Dins son magazine dels meses de julhet e d'agost de 2019 la vila de Tolosa publicava una entrevista del musician Ernest Bergez, dich Sourdure, que presentava al mes de julhet son espectacles al Metronum.
Après la sortida del libre de Mona Ozouf Composition Française Joan-Guilhem Roqueta ne fasiá la critica.