Los organizators del Forum occitan dich La Dintrada, que se debana cada an dempuèi qualques temps al mes de setembre e que se vòl luòc de reflexion sus l'occitanisme, comunican sus çò que preveson per 2018.
D'en primièr la data. Lo forum, que se vòl ciutadan, pausarà las siás valisas a Tolosa lo 22 de setembre.
Lo conselh general del departament d'Aude comunica :
Lo Departament d'Aude vos balha rendètz-vos per una sesilha d'escambis, de discutidas e d'emergéncia collectiva lo dissabte 14 d'abril de 2018, de 9h a 14 h a l'Ostal del Departament, sala Gaston-Deferre, a Carcassona.
L'occitan, aquò's una lenga, unes parlaires, una cultura, femnas e òmes... L'occitan, es nosaus amassa !
Un manifèst collectiu en sosten a Mireia Boya es estat publicat en febrièr de 2018. Lo tornam publicar çai jos.
De notar qu'après son entrevista per lo jutge lo 14 de febrièr, las autoritats l'an daissada en libertat. Lo manifèst :
La deputada aranesa al Parlament de Catalonha, Mireia Boya, serà menada davant la justícia espanhòla per “rebellion” pr’amor de sa participacion politica al referendum que se tenguèt lo 1ièr d’octòbre passat.
A la fin de l'an 2017 Bernat Bergé, vici president de l’EOE-IEO 47 dins un comunicat alertava sus la situacion de l'associacion. Aquí çai jos lo sieu tèxt :
Amigas, Amics,
Una baissa de las ajudas, las recèptas dels darrièrs estagis insufisentas, l’agotament de las nòstras resèrvas, menan la nòstra associacion sul solhet de la falhida.
Ja per onorar las darrièras escasenças, foguèrem dins l’obligacion d’un manlèu que nos consentiguèt un sòci de l’associacion.
Dins sas nòvas de novembre de 2017 la Chambra d'Òc propausava un article de Giacomo Lombardo sus l'amassada que se tenguèt a Roma lo 22 de novembre de 2017 al subjècte de las minoritats lingüisticas del país.
Lo tornam publicar çai jos en occitan. Nos informa sus las accions menadas aval.
Diversitat lingüistica en Itàlia : un patrimòni europèu.
Après d’ans d’abséncia lo 22/11/2017, a Roma, lo Departament per los Afars Regionals e las Autonomias organizèt un encontre, portava sus las minoritats lingüisticas e sus l’estat d’aplicacion de la lei 482/99.
Es estada signada a Lemòtges lo 2 de febrièr de 2018
la convencion per lo desvolopament e l'estructuracion
de l'ensenhament de l'occitan dins l'acadèmia.
Los signataris son : Daniel Auverlot, rector de l'acadèmia, Alain Rousset, president del conselh regional de Nòva Aquitània e Charline Claveau-Abbadie, presidenta de l'Ofici public de la lenga occitana.
Genièr de 2018, lo Collectiu Occitan organizator de las manifestacions
del 3 de febrièr de 2018 per demandar una preséncia mai importanta de la lenga occitana a
la television, comunica :
La lenga e la cultura occitanas an un besonh imperatiu, absolut, dins lo mond tal coma es ara, d'aver accès als mèdias de massa e d'en primièr, d'una preséncia « normala » a la television publica.
Es un relai indispensable per tota l'accion educativa e culturala qu'es menada per las associacions.
Lo 11 de genièr de 2018 Matthieu Lahaye, conselhièr del ministre de l’Educacion nacionala encargat de las lengas minorizada recebiá dos membres de la FELCO : Maria-Joana Verny e Yan Lespoux, respectivament co-secretària e president de l'organisme.
Son tornats suls subjèctes que segon la FELCO pausan problèma : lo non respèctes dels tèxtes per d’unas instàncias de l’Education Nacionala, l'abséncia de declinasons academicas de la convencion Estat/OPLO dins las acadèmias de Tolosa e Montpelhièr. Insistiguèron sus las inegalitats de tractament de la question de l’ensenhament de l’occitan segon los endreches.
Dins son magazine numèro 1 (automne de 2017) la region Nòva Aquitània comunicava en occitan.
La Confederacion de las Calandreta sul sieu site internet rapela
l'existéncia d'una peticion per la diversitat culturala e lingüistica en
Euròpa. Aquí çai jos çò que ne dison :
Aquí, quicòm de fòrt important per la defensa de la diversitat culturala e lingüistica en Euròpa (e doncas per la defensa de la lenga e de la cultura occitana !) de difusar tant larg coma possible...
S’agís d’una iniciativa ciutadana europèa, en forma de peticion, per la proteccion de las personas qu’apartenon a de minoritats nacionalas e lingüisticas e pel refortiment de la diversitat culturala e lingüistica dins l’Union.
Es estada signada lo 11 de decembre de 2017 a l'Ostal de la Region Nòva Aquitània la convencion academica per desvolopar e estructurar l’ensenhament de l’occitan dins l’acadèmia de Bordèu.
Los signataris son : Olivier Dugrip, rector de l’acadèmia de Bordèu, Alain Rousset, president de la Region Nòva Aquitània, Charline Claveau-Abbadie, presidenta de l’Ofici public de la lenga occitana, Régine Anglard, vice-presidenta del Conselh departamental de Dordonha, Danielle Lacoste, Marcel Calmette, Monique Sémavoine que representavan respectivament los departamentals de Gironda, d’Òlt e Garona e dels Pirenèus-Atlantics.
Après las eleccions del 21 de decembre de 2017 en Catalonha, lo Partit de la Nacion Occitana comunica :
Eleccions en Catalonha
Lo dijòus 21 de decembre de 2017 unes 5 780 775 electors emai electrices catalans ciutadans de la Generalitat de Catalunya o residents a l’estrangièr èran cridats a las urnas per designar lors deputats al Parlament de Catalonha.
Aquestas eleccions convocadas en aplicacion de l’article 155 de la constitucion coloniala espanhòla de 1978 venián apuèi la declaracion Unilaterala d’Independéncia de Catalonha proclamada lo 27 d’octòbre de 2017 per la majoritat sobeiranista eissida de las eleccions de setembre de 2015.
Lo Collectiu Occitan prepara una jornada reivindicativa lo dissabte 3 de febrièr. L'objectiu màger d'aquela manifestacion es de demandar als poders publics que l'occitan siá present cada jorn a la television sus França 3.
Lo collectiu estima que la mobilizacion es d'autant mai necita que i a de mai en mai de reduccions de credits a la television publica. Vòl tanben veire se desvolopar de vertadièrs mèdias de país amb de redaccions localas.
Lo conselh regional de Provença vòl cambiar dins sa comunicacion
lo nom de la region.
A adoptat en decembre de 2017 la signatura Région Sud,
Provence-Alpes-Côte d'Azur.
Los elegits semblan de considerar l'adjectiu sud coma valorizant, vòlon far de Provença una Region Sud.
Fin de 2017. L'IEO comunica : Per respondre a una importanta diminucion de las subvencions publicas,
l’Institut d’Estudis Occitans fa una crida a donacion abans la fin de l’annada de 2017.
Au mes d’octòbre, l’Institut d’Estudis Occitans (IEO) foguèt assabentat que tocariá, en 2017, la mitat solament de la subvencion annadiera balhada per l’Ofici pubic de la lenga occitana (OPLO) au nom dei regions Occitanie-Pyrénées-Méditerranée e Nouvelle-Aquitaine, e de l’Estat.
L'associacion qu'organiza l'Escòla Occitana d'Estiu de Vilanòva d'Òlt, es en dificultat. Comunica de 2017 :
Es prevista, a Tolosa, lo dissabte 3 de febrièr de 2018 una manifestacion per afortir l'emplec de la lenga dins los mèdias.
Se farà davant los locals de França 3. Dotze associacions e movements occitanistes an fargat un collectiu cargat de l'organizacion d'aquel eveniment. La mobilizacion comença.
La reinvindicacion serà : Volèm l'occitan cada jorn a la television !
Ongan en 2017 lo govèrn francés a anonciat que creava una agregacion d'occitan. Un pòste solament es previst pel concors de 2018 e sonque quatre pel CAPES.
La FELCÒ (Federacion dels Ensenhaires de Lenga e de Cultura d'Òc) comunica sul subjècte.
Un pòste a l’agregacion, quatre pòstes al CAPES d’occitan 2018 : se trufarián pas de nosautres ?
A la prima passada, los ensenhaires d’occitan se regaudissián, après d’annadas de demandas vanas, de la creacion d’un concors d’agregacion de lengas de França – opcion occitan, mai de 20 ans après la creacion del CAPES. La dubertura de l’agregacion dubrissiá enfin de possibilitats d’evolucion de carrièra als centenats de professors en pòste en licèus e collègis, e ofrissiá de perspectivas als estudiants. De formacions dubriguèron a Tolosa et Montpelhièr.