En setembre de 2021 la Comission Europèa presentava un plan per armonizar la conectica dels cargadors dels aparelhs portables. Dimars 7 de junh de 2022 lo Conselh adoptèt aquelas preconizacions.
Amb la nòva reglamentacion los utilizators auràn pas pus besonh per cada aparelh d'un cargador especial. Per totes los produches de dimencions mejana e pichona lo meteis aplech podrà èsser utilizat.
Aquela reglamentacion a per objectiu de limitar la produccion de material inutil e costós ; material que lo mond puèi escampan.
D'aicí a l'automne de 2024 los telefonets, tabletas, cascos, aparelhs fotografics numeric o encara las consolas de jòc vidèo deuràn èsser equipats d'un pòrt de tipe USB-C, qué que siá lo fabricant.
Los ordinators portables son tanben incluses dins la lista mas la data d'aplicacion per eles deuriá èsser posteriora a 2024.
