La vida - Eri Fraj

Detalh de la cobèrta del CD d'Eric Fraj La vida

Eric Fraj prepara un doble CD per la fin de 2021. Aquí çai-jos lo sieu tèxt.

La vida, 50 ans de cançon

Amigas e amics,

Per mos cinquanta ans de cançon, sortirai a la fin de 2021, en collaboracion amb lo CAMOM e Tròba Vox, un doble CD titolat La vida : 32 cançons (30 ineditas) tiradas dels concèrts RdV (creat a Foish en 2017 amb la Cia Guillaume López, produit per L’Estiva, Scèna Nacionala) e La vida (creat en duo amb Morgan Astruc, al COMDT de Tolosa, en octòbre de 2018), o mai ancianas o mai recentas.

En occitan, catalan, castelhan o francés, caduna es una creacion musicala especifica per aqueste CD, dins l’eclectisme estilistic qu’aimi, aitant musical (tango, reggae, baladas, blues, jazz, flamenco, etc.) coma poetic (Villon, Lorca, Bodon, Vaqueiras, Domenica Decomps, Robèrt Martí, Joan Rigosta, Danièla Hoursiangou-Estebe, + tèxtes personals), per evocar un viatge estranh e complèxe : la vida. Amb d’artistas de tria : Daidièr Mir (grafisme), Morgan Astruc (adobaments, palmas, guitarra), Mingo Josserand (presa de son, adobaments, piano, clavièrs), Thierry Roques (acordeon), Clairveau Ramsamy (contrabassa), Hervé Chiquet (percussions), Simon Portefaix (batariá e percussions), e de segur mon complici de 20 ans : Guillaume López (adobaments, votz, flaütas, boha).

Sens oblidar las suspresas ! Ja son en bóstia un detzenat de cançons. Mas cap de multinacionala non nos ajuda pas. Sola vòstra ajuda serà vertadièrament decisiva per me/nos permetre de continuar. Alavetz, per avança, mercés !

Eric Fraj

Per soscriure, doas possibilitats :

  • siá comandar lo doble CD sol per 20 € e lo reçaupretz a sa sortida ;
  • siá comandar per 50 € lo CD + un monotip format 30 x 40cm a l'òli sus papièr (gravadura manuala), unic e signat de Mir, l'artista que realiza la jaqueta de l'album. Recebretz lo monotip – non encadrat – tre comanda passada. Atencion ! Lo monotip recebut serà forçadament diferent del de la jaqueta, es una pèça unica !

Bon de comanda d’enviar a :

Eric Fraj
4 rue Sant-Laurenç
31390 Carbonne

Per ne saupre mai cal anar sus https://ericfraj.com

La vida - Eri Fraj


 

L'occitan es un balon de rugbi !

rugbi

En setembre de 2013, J. B. publicava sul site de l'IEO d'Aveyron lo sieu punt de vista sus la lenga occitana.

Taxi volant : Lilium

Après Volocopter e Airbus que realizèran ongan lors primièrs vòls d'ensag per lors taxis volants, es la societat Lilium que al mes d'octobre desvelèt d'imatges de son veïcul en operacion.

Ives roqueta, escritura, enfança e... lo libre de François Cavanna 'Les Ritals'

Cavanna 'Les Ritals' detalhs

En 1979 dins la revista Aicí e ara Ives Roqueta tornava, alara que veniá de legir lo libre de François Cavanna Les Rital, sus son rapòrt a l'enfança coma escrivan.

Joan-Claudi Sèrras : critica de 'La pluèja rossèla' de Julio Llamazares

La pluèja rossèla, Julio Llamazares

En 2008 sortissiá a cò de IEO Edicions la traduccion occitana del libre de Julio Llamazares La lluvia amarilla.