L'Union s'estrechonís un briat. Lo dimecres 29 de març de 2017 lo govèrn del Reialme Unit via son ambassador Tim Barrow, a notificat oficialment a Donald Tusk, president del Conselh Europèu, la siá volontat de sortir de l'Union Europèa.
Se dubrís ara un periòde de negociacions que pòt durar fins a dos ans. Aquelas negociacions auràn per tòca de precisar las condicions de sortida.
30/03/17 - L'ELEN (European Language Equality Network) e l'IEO (Institut d'Estudi Occitan) an adreçat als candidats a l'eleccion presidenciala una letra.
La tòca es d'aver lo posicionament de cadun rapòrt a las lengas minorizadas en França metropolitana e d'otramar.
19/02/17 - La presidenta de la region Occitània, Carole Delga, e lo president de la Generalitat de Catalonha, Carles Puigdemont, an signats lo 19 de febrièr de 2017 a Narbona, a una letra d'intencion entre las doas institucions.
Aquela letra prefigura un accòrd que debriá èsser signat dins l'estiu.
La Region Occitània ganhèt entre 2008 e 2013, segon l'INSEE, mai de 50 000 estajants per ans.
Signatura a Tolosa per la ministra de l’Educacion Nacionala, Najat Vallaud-Belkacem, de la convencion quadre per l’ensenhament de l’occitan.
En 2017 la FELCO comunicava sus l'activitat dels deputats occitans a l'Assemblada Nacionala, especialament sus lors presas de paraula en rapòrt amb de tematicas lingüisticas.
Lo 17 de decembre de 2016 davant lo MUCÈM a Marselha, a l'initiativa de Danís Capian, qualques occitans manifestavan per demandar que la lenga occitana siá emplegada per la comunicacion del musèu que presentava alara l’article catòrze de la Declaracion Universala dels Dreches Umans. Aquela èra escricha dins mantunas lengas, pas en occitan.
21/11/16 - Lo departament de Tarn signèt una convencion amb lo CIRDÒC - Pòl associat a la Bibliotèca Nacionala de França (BNF), lo CIRDÒC es una mediatèca publica especializada sul patrimòni occitan. Salvagarda e valoriza mai de 150 000 òbras, met a disposicion de sos partenaris mòstras e suspòrts d'informacions, assegura tanben de formacions professionalas pels bibliotecaris.
14/11/2016 - En seguida de la decision del municipi de la comuna de Besièrs e de son cònsol màger Robert Ménard, d'arrestar de finançar lo CIRDÒC, l'associacion Iniciativa per Occitània comunica.
Lo Centre Interregional de Desvolopament de l’Occitan (CIRDÒC) a Besièrs es un establiment public gerit per un sindicat mixte dobèrt. Es installat dins lo quartièr universitari de Besièrs, dins un bastiment modèrne de 900 m2.
27/10/2016 - Calandreta comunica - Calandreta denóncia lo refús del drech a la diversitat lingüistica per los enfants de França.
França : país dels dreches de l'enfant, manca un !
Lo 20 de novembre venent se debanarà la jornada Internacionala dels Dreches de l'Enfant. Calandreta vòl rementar que sus aqueste sicut França es dins una situacion particulara puòi qu'es lo país dels dreches de l'enfant mens un : los enfants de França an pas lo drech a la diversitat lingüistica e culturala emai s'es « autoctòna ».
Lo dissabte 15 d'octobre de 2016 se debanèt a Albi lo collòqui : Una politica sociolingüistica per l'occitan, las governanças en question.
L'objectiu del collòqui èra d'estudiar los mejans de desvolopament d’una politica sociolingüistica en Occitània en favor de l’occitan, per permetre la subrevida e lo desvolopament de l'usatge de la lenga, que dempuèi vint ans los locutors primaris son a desaparéisser, la transmission familiala es interrompuda.
Après lo nom, una identitat visuala. La region Occitània comunica.
Lo 24 de junh de 2016, la novèla region eissida de l'union de Lengadòc-Rosselhon e de Miègjorn-Pirenèus trobava un nom. Après una importanta consultacion ciutadana, l'assemblada adoptava lo nom Occitània, seguit de la signatura Pirenèus Mediterranèa.
Lo temps es ara vengut d'accompanhar aquel nom d'un lògo per aquela region situada al còr de l'arc mediterranèu, fòrta de sos 13 departaments (mai de 5 milions d'abitants), de sos 15 pòls de competitivitat, de sas 35 universitats e grandas escòlas.
28/04/16 - Lo comitat per l'Autodeterminacion de Catalonha Nòrd comunica :
Par jugement rendu ce jour, le tribunal de grande instance de Perpignan vient de débouter l'Etat français de sa demande de dissolution du Comité pour l'Autodétermination de la Catalogne Nord.
07/02/16 - Après la votacion del parlament que modifiquèt la constitucion de l'Estat argerian, la lenga berbèra o amazigh es ara oficiala.
L'amazigh es parlat per un detzenat de milions de personas sul territòri argerian, un quart de la populacion. Es ensenhat dempuèi 1995, e una cadena de television en amazigh es estada creada en 2009. Las institucions preveson de crear una acadèmia de la lenga amazigh. L'arabi demòra la lenga de l'Estat.
10/06/15 - Jessica Bracker propausa sul site The European Magazine una reflexion suls moviments independentistas europèus e lors rapòrts amb l'Union. Tòrna rapelar la maxima : In varietate concordia ! que supòrta lo projècte europèu.
03/06/15 - Fin de l'accion de David Grosclaude après l'anóncia per l'estat francés de la creacion de l'Ofici Public de la Lenga Occitana :
"Que soi urós d’anonciar a tots los qui m’an sostienut desempuish ua setmana qu’an ganhat ua victòria. Lo document qui demandavi desempuish lo 27 de mai que m’ei arribat a 19h30 [03/06/15].
"Qu’ei un document adreçat aus presidents de las duas regions Aquitània e Miègjorn-Pirenèus devath la fòrma d’ua letra signada deus dus ministres de l’Éducacion e de la Cultura. Dens aquesta letra qu’ei indicat que l’Estat s’engatja a autorizar la creacion de l’Ofici Public de la Lenga Occitana e que s’i associarà." [ligam]
27/05/15 - David Grosclaude ven d'entamenar una cauma de la fam a l'Ostal de Region de Bordèu. Contèsta la position de l'estat francés sus la creacion de l'Ofici Public de la Lenga Occitana, l'estat refusa de balhar una seguida al projècte alara que sa creacion es estada aprovada per los conselhs regionals de Miègjorn-Pirenèus e d'Aquitània. Legir sa declaracion [aquí]
A reçauput lo sosten de Alain Rousset president del conselh regional d'Aquitània, de Paul Molac deputat Breton, de la Confederacion de las Calandretas (Jean-Louis Blenet), d'APRENE (Patrice Baccou), del CFPOC (Jean-Brice Brana), del CFPO (Delphine Krajewski, Cédric Valmary), de l'IEO (Pierre Brechet), del Cirdòc (Marcel Mateu), del Congrés permanent de la lenga occitana (Gilbert Mercadier), de l'InÒc (Jean-Jacques Castéret), d'Iniciativa per Occitània, de la FELCO (Felip Martèl), de País Nòstre, d'Unitat d'Aran, del Conselh General d'Aran, de l’Assemblada de Corsega (a l'unanimitat, votacion del 30/05/15), de l'Union Democratica Bretona.
David Grosclaude es conselhièr regional d'Aquitània delegat a las lengas regionalas.
Lo dissabte 27 de septembre de 2014 a Narbona País Nòstre organizava lo collòqui L'Occitanie à l'heure de la réforme territoriale.
Lo collectiu 2017OC questiona los candidats a l'eleccion presidenciala francesa.