En 2021 al mes de junh sortissiá lo clip Holi-Hola de Joanda. Títol qu'interpretava amb Axelle Verdon. Lo magazine de la metropòli de Montpelhièr de l'estiu presentava lo projècte.

Holi-Hola, la capitada de l’estiu

Abans de descobrir 1000 ans, son album qu’espelirà dins l’annada, Joanda nos porgís son single Holi-Hola, en duò amb Axelle Verdon. Un single, mas tanben un clip que saique farà dançar aqueste estiu Occitània tota.

Vaquí un single cafit de lum e de solelh, un imne al viatge que s’escota e s’agacha sens relambi... Un títol que fai de ben, qu’enclausís e que vos enrebala. Aquò’s Holi-Hola, lo clip novèl compausat per Joanda, artista, poèta, autor, compositor occitan, interpretat en duò amb Axelle Verdon, candidata de l’emission The Voice sason 8.

Holi-Hola se vòl un imne saborós amb lo gost de la libertat, benvengut après aquela longa temporada de confinhament... De decòrs ufanoses, en ribas de Miègterrana ; de caras multiplas, de dansas alangoridas e sensualas... Amb un repic qu’a lo vam per reviudar los e las que la cultura li a desfautat, e tanplan los quites artistas.

« Al mes d’octobre, ai sortit Le Bonheur est fait maison, lo primièr single de l’album 1000 ans. Holi-Hola es lo segond, nos fisa Joanda. Aquò’s pas de rap-gangsta nimai de dance-pop, pas d’electro-swing nimai de new-reggaeton. L’ai pensat coma un duò. »

Aquela capitada de l’estiu tot en colors es cantada en òc, en espanhòl e en francés, coma una convidacion a la dobertura. Un cant frairenal, leugièr, fach de jòia e de desirança de rescontrar sos semblables e sas rasigas :

Apren-me aquelas nòtas
Que s’acordan amb tos passes
E las rasigas que renfortisson
Riquesas als brèces de nòstras memòrias...

Los dos interprètas de Holi-Hola – venguts de dos païses despariers – cèrcan a se descobrir, a conóisser melhor sa lenga, sa cultura, sas riquesas.

Holi-Hola ! D’escotar de longa, e, tot segur, fins en-delai de las confinhas occitanas.

Sorsa : magazine de la metropòli de Montpelhièr, julhet e agost de 2021, numèro 3.

[veire lo clip de Holi-Hola]


Lo grelhon, lo lop e las abelhas : un conte de Justin Bessou

Detalh d'una gravadura de Tavy Notton (1914-1977) sus la vida de las abelhas

Lo grelhon, lo lop e las abelhas es lo primièr tèxt dels Contes de la Tatà Mannon de Justin Bessou.

Rodin, una entrevista del magazine 'À Toulouse'

Ara, Rodin

Dins son edicion del mes de setembre de 2024, lo jornal de la comuna de Tolosa, À Toulouse presentava lo cantaire Rodin.

Croàcia passa a l'èuro e intra dins l'espaci Schengen

Membre de l'Union Europèa dempuèi 2013, Croàcia emplega dempuèi aqueste 1èr de genièr de 2023 l'èuro coma moneda. De pèças novèlas son donc intradas en circulacion.

Totèm : l'agaça d'Abelhan

agaça

En 2017 sortiguèt la revista Los rocaires numèro 2 amb de contes suls animals totemics.

Robèrt Martí sul diccionari de Loís Alibèrt (1988)

Diccionaire occitan-français de Louis Alibert

Testimoniatge de Robèrt Martí sul diccionari de Loís Alibèrt.