Sus son site, ieo-oc.org, a la debuta del mes de genièr de 2025, l'Institut d'Estudis Occitans (IEO) comunicava sus son estrategia multi-escala per la promocion de la lenga occitana.

Los dirigents de l'IEO considèran dins la publicacion que « dins lo quadre de l’occitanisme, la defensa de la lenga demanda d’accions coordenadas als nivèls federal, departamental e local per revitalizar la comunautat de locutors e assegurar la transmission generacionala ».

Identifican tres nivèls d'accions.

1 – Lo nivèl federal

  • Objectius : influençar las leis e las institucions nacionalas.
  • Accions : organizar de campanhas per la ratificacion de la Charta Europèa, collaborar amb d’autras associacions (bretons, alsacians), e participar a de projèctes europèus per desvolopar d’aisinas tecnicas per l’occitan.

2 – Lo nivèl departamental

  • Objectius : renfortir la visibilitat publica de l’occitan.
  • Accions : integrar l’ensenhament bilingüe dins las escòlas, desvolopar la senhalizacion bilingüa, e organizar d’eveniments culturals regionals (mercats, festivals).

3 – Lo nivèl local

  • Objectius : revitalizar l’usatge social de l’occitan.
  • Accions : crear de grops de convèrsa, organizar de velhadas occitanas, e collaborar amb las escòlas per de talhièrs per escolans.

En conclusion afortisson qu'un militant occitanista se deu « de combinar las accions d’aquestes tres nivèls per que l’occitan siá una lenga viventa e visibla ». Demai considèran que la coordinacion entre, leis, iniciativas culturalas e mobilizacion locala, es essenciala per transformar la vision, al còp al nivèl social e cutural, que las gens se fan de la lenga.

La comunicacion èra accompanhada d'un document en francés precisant las demandas de l'IEO.


Peticion contra la fin de l'Estivada de Rodés : Gardarem l'Estivada

Gardarem l'Estivada

Après las anóncias del conse de Rodés, Christian Teyssèdre, al subjècte de las animacions estivalas previstas per la vila, que preveson la desaparicion de l'Estivada coma manifestacion culturala occitana, un collectiu s'organiza per son manteniment.

Critica del libre 'École, Histoire de France et Minorités nationales'

Ecole, Histoire de France et Minorités nationales, Napoleon Bonaparte

Critica per Romieg Pach del libre de Claude Gendre e Françoise Javelier : École, Histoire de France et Minorités nationales (Fédérop, 1978)

Croàcia passa a l'èuro e intra dins l'espaci Schengen

Membre de l'Union Europèa dempuèi 2013, Croàcia emplega dempuèi aqueste 1èr de genièr de 2023 l'èuro coma moneda. De pèças novèlas son donc intradas en circulacion.

Robèrt Martí sul diccionari de Loís Alibèrt (1988)

Diccionaire occitan-français de Louis Alibert

Testimoniatge de Robèrt Martí sul diccionari de Loís Alibèrt.

Peticion contra la fin de l'Estivada de Rodés : Gardarem l'Estivada

Gardarem l'Estivada

Après las anóncias del conse de Rodés, Christian Teyssèdre, al subjècte de las animacions estivalas previstas per la vila, que preveson la desaparicion de l'Estivada coma manifestacion culturala occitana, un collectiu s'organiza per son manteniment.