Starship SN15 05/05/2021
Lo Starship SN15 après son vòl lo 5 de mai de 2021 © SpaceX

Lo Starship SN15 se pausèt coma cal

Lo 5 de mai de 2021 e pel primièr còp un dels Starship de SpaceX se pausèt sens problèmas.

Dempuèi 2020 sus la basa texana de Boca Chica SpaceX ensaja son Starship. Son las recuperacions après de vòls en nauta altitud que encara pausavan problèma al constructor.

Après un tal vòl lo 5 de mai de 2021 l'aparelh SN15 (Serial Number 15) reüssiguèt a se pausar coma cal.

Montèt a un detzenat de quilomètres de nautor, puèi los motors se son escantits, la fusada tornèt davalar sens problèma. Los motors se son tornarmai alucats per aterrar. E aqueste còp tot s'es plan passat : pas d'explosion.

Aqueles Starships desvolopats per SpaceX seràn los segonds estatges de las fusadas previstas dins l'encastre del programa Artemis de la NASA per anar sus la Luna.


Corèa del Sud melhora sas capacitats en fusion termonucleara

KSTAR

En Corèa del Sud al mes de novembre de 2020, mercés al Korea Superconducting Tokamak Advanced Research (KSTAR), un plasma es estat mantengut pendent 20 segondas a un gra de 100 milions de Celsius.

Frederic Mistral sus Victor Gelu (1886)

Victor Gelu

En 1886 sortissiá en dos volums las òbras complètas de Victor Gelu amb un prefaci de Frederic Mistral.

La Fiat 500 electrica enfin desvelada

fiat 500e

Fiat ven de desvelar çò que serà la futura 500 electrica.

Virgin Galactic desvela lo VSS Imagine

Lo VSS Imagine

A la fin del mes de març de 2021 la societat Virgin Galactic desvelèt son vaissèl lo VSS Imagine.