Ermengarda de Narbona
Ermengarda de Narbona (detalh d'un dessenh de Mariline Etero)

L'associacion Histoire et Cultures en Languedoc (HCL 34) e lo CIRDÒC organiza a la fin del mes de setembre a Besièrs lo collòqui Al temps d'Ermengarda de Narbona.

Encontres internacionals del patrimòni istoric, punt d’òrgue annal de las activitats de l’associacion d’Erau, e organizats dempuèi 2014, los collòqui d'HCL 34 sus dos a tres jorns proposan encontres, conferéncias, descobèrtas culturalas.

La darrièra d’aquelas jornadas es consacrada a la descobèrta d’un site patrimonial en rapòrt amb lo tèma abordat e necessita doncas, per l’escasença, de partenariats ponctuals.

L’objectiu d’aqueles collòquis es de tornar situïr los païses occitans dins los corrents estrategics, intellectuals e artisticas passats ; aqueles qu’an fargat lor memòria.

Ongan en 2022 lo collòqui se tendrà lo 30 de setembre al CIRDÒC. L'endeman, 1èr d'octobre serà organizada la visita de l'abadiá de La Grassa.

Programa

Divendres 30 de setembre de 2022 a la Mediatèca occitana / Besièrs

14h00 – Acuèlh dels participants.

14h30 – Dobertura del 15en encontre del patrimòni istoric (Jean-Louis Lacroix, Maguy Chapot-Blanquet, Cyril Gispert)

14h45 – Visita guidada de l’exposicion : Flamenca, cap d’òbra occitan de l’Edat Mejana, Pòl patrimòni del CIRDÒC

15h30 – Conferéncia : Iconografia e musica a l’Edat Mejana. Gisèle Clément, ensenhaire-cercaire en istòria de las musicas medievalas, Universitat Paul-Valéry Montpelhièr III. Directritz del CIMM, du ciel aux marges. Proposat pel CIRDÒC, lo concèrt es dobèrt a totes gratuitament, sus simpla reservacion.

16h30 – Discutida Ermengarde en sa cort (Maguy Chapot-Blanquet).

17h00 – Clausadura de la jornada (Maguy Chapot-Blanquet).

Dissabte primièr d'octobre

Abadiá de La Grasse

L'abadiá de La Grassa

8h00 – Despartida en bus de la gara rotièra de Clarmont l'Erau per l'abadiá de La Grassa.

10h00 – Presentacion (J.-L. Lacroix) e visita de l'abadiá de La Grassa (Carlos Lluch, guida-conferencièr).

14h30 – Visitat de la ciutat medievala de La Grassa.

La programacion complèta es [aquí]

Collòqui 'Al temps d'Ermengarda de Narbona', Besièrs, La Grassa


Conte : 'Lo meu ostal' de Joan Bodon

Plancat

Lo recuèlh Contes del meu ostal de Joan Bodon sortiguèt en 1951.

Nòva : 'La lutz e l'ombra' de Valèri Bernard

Johann Heinrich Füssli 'La cachavièlha'

En 1938 dos ans après sa mòrt sortissiá lo recuèlh de nòvas La feruno de Valèri Bernard.

Votacion del Parlament Europèu per melhorar la mobilitat electrica

Lògo recarga electrica

A la debuta del mes de julhet de 2023 lo Parlament Europèu votèt per l'adopcion de règlas novèlas per fin de far créisser lo nombre de las estacions que permeton de recargar los veïculs electrics. Las novèlas disposicions preveson tanben de ne facilitar l'usatge.

Sèrgi Viaule : critica del libre 'Novèlas exemplaras' de Miguel de Cervantes

Miguel de Cervantes

En octobre de 2020 sortissiá lo libre Novèlas exemplaras de Miguel de Cervantes. Sèrgi Viaule ne fasiá la critica.

Conte : Lo pol e la poma d'aur

Un conte collectat en Roergue per las equipas d'Al Canton, dich per Gilbert Lafage.