Lo 17 de setembre de 2017 se tendrà la detzena edicion de la manifestacion
Chantar e dançar a Ostana.
L'idèa es simpla : passar una jornada en companhiá de la lenga e de la
cultura occitana a travèrs lo cant e la dança.
La jornada es pas dedicada a d'especialistas, mas a totes los que vòlon descobrir simplament la lenga e lo cant.
Jordi Ortiz de Antonio per la Generalitat de Catalonha presentava al XIIen congrès de l'AIEO a Albi (julhet de 2017) una reflexions a l’entorn d’una pedagogia propedeutica sus la lenga occitana pels professors de primari e segondari en Catalonha.
Nos assabenta sus l'estat de l'ensenhament de la lenga en Catalonha. Aquí lo resumit de sa presentacion (sorsa AIEO) :
L’occitan, lenga pròpria d’Aran e oficiala en Catalonha tota, se regulariza a l’ora d’ara, dins lo domeni educatiu, sonque pel biais del Currículum der aranés (1998), un plan d’estudis oficial restacat a l’airal geografic e dialectal aranés, e en aranés, en questions de lenga e literatura.
L'Institut d'Estudis Occitans d'Aude organiza a Carcassona l'eveniment Escritura 2017. Un moment de rescontres e d'escambis centrat mai que mai sus la literatura occitana o los libres sus Occitània.
La manifestacion se dobrirà a l'Ostal Sirventés (79, la Trivala a Carcassona), lo dijòus 31 d'agost, a 18h30 amb l'estrena de la mòstra Las Musas de 2017 e de las òbras del Grop Aqüarèla del Cercle Occitan del País de Carcassona.
Tè Vé Òc es un site internet que propausa de reportatges en occitan. Es bailejat per Lisa Gròs.
Una emission de 13 minutas, nomada Lenga d’Òc, es realizada cada setmana.
Aqueles reportatges son bastits sus d’accions culturalas o economicas menadas principalament dins Gard, Eraut, Bocas de Ròse, mas, tot còp, la còla encargada de sa realizacion pòt anar mai luènh.
Lo Club occitan de Noisy-le-Grand comunica :
Lo forum de las associacions de Noisy-le-Grand se debanarà lo dissabte 9 de setembre de 2017 de 10h a 19h a l'Espaci Michel Simon, 36 rue de la République e al Jardin dels Artistas vesin.
Per venir : RER linha A, direccion Marne-la-Vallée, estacion Noisy-le-Grand/Mont d'Est, puèi 10 minutas a pè o bus 120 o 320.
Ongan çai seràn 225 associacions, lo Club occitan aurà son estand dins lo pòl Cultures du Monde.
Lo CIRDÒC-Mediatèca Occitana lança un apèl a comunicacions e contribucions per las jornadas d’estudi que
se tendràn a l’escasença del 90en anniversari de la creacion del Collègi d’Occitània lo 8 e 9 de decembre de
2017 a Castèlnòu d'Arri :
Creat a Castèlnòu d'Arri per Prosper Estieu e Josèp Salvat en 1927, lo Collègi d’Occitània joguèt un ròtle màger dins l'afirmacion de la modernitat occitana al sègle XX e prefigurèt los combats e questionaments de l’occitanisme contemporanèu coma los que portavan sus lo sistèma grafic, l’importància de la vitalitat literària, la contra-lectura de l'istòria de França, l'innovacion pedagogica e la fraternitat occitano-catalana.
Del 8 al 17 d'agost de 2017, cada ser a 21h30, lo Grop ÒC presenta dins lo teatre Jean Deschamps
de la Ciutat de Carcassona l'espectacle son e lum Lumina.
Al programa : cavalièrs, bruèissas, dragons, unicòrns e autres animals fantastics, projeccions e efèctes especials, lo tot al servici d'una istòria que vos fa cabussar dins un raconte ligat a l'imaginari medieval dins un luòc unic al mond.
Los 1er e 2 de julhet de 2017 l'associacion Les Amis du Poulain basada a Pesenàs organizava en partenariat
amb la Vila de Pesenàs, lo CIRDÒC e lo CFPCI (Centre Francés del Patrimòni Cultural Immaterial) la ronda dels totèms e gigants europèus.
Un eveniment màger pels totèms e gigants d'Occitània e de pertot.
Après mantunas annadas d'estudis, la direccion dels Bastiments de França e lo Ministèri de la cultura e de la comunicacion,
an presentats lo 16 de mai de 2017 los resultats de lors recèrcas sus la colorizacion del timpan de l'abadiá de Concas.
Un documentari de Médi Bara es estat concebut. Los comentaris son de Sénher Causse arquitècte dels bastiments de França, de Dòna Delmas conservairtriz de las antiquitats e dels objèctes d'art del departament d'Avairon, de Sénher Langlois restaurator agreat dels monuments istorics, e tanben del Fraire Jean Régis Harmel, abat, e de Pierre Séguret.
Ongan los Rescòntres occitans en Provença organizats per l'IEO e lo CREO-Provença,
se debanaràn al centre de vacanças « Le Brudou » del diluns 31 de julhet
(acuèlh a 19h) al diluns 7 d’agost de 2017.
Las tematicas dels talhièrs organizats son multiplas : lenga pel teatre, patrimòni, dança, toponimia, escrich e oralitat, cant, conte, environament, musica, cosina...
E los animators nombroses : Joan-Pèire Baquié, Chantau Forniller, Joan-Pèire Spies, Rotland Pecot, Eliana Tourtet, Joan Marotta, Mario Leccia, Nicolas Lelong, Mirelha Alliaud, Jòrgi Camani, Celina Baquié, Felip Martel, Pèire Brechet, Bernat Roche, Joan Marotta, Nicolas Lelong, Choa Braxmeyer, Regina Baquié...
Dins sa revista numèro 7 dels meses de mai e junh de 2017 lo conselh regional de la region Occitània presentava lo festenal Total Festum.
En junh de 2017, Total Festum (la fèsta de la catalanitat e de l’occitanitat) festejarà sos 12 ans. Tot comencèt en 2006, dins l’anciana region Lengadòc-Rosselhon, amb una volontat politica de crear un eveniment fòrt, regulièr : un rendez-vos annadièr per la mesa en valor de las lengas del territòri regional. La data de la sant Joan es estada causida coma simbòl de renaissença e de jovença.
La Chambra d’òc, per sostenir l’inscripcion de la Lenga d’òc dins la lista de l'UNESCO : Patrimòni Immaterial
a risca d'extincion, e per contunhar d'obrar per la lenga après las manifestacions recentas "Anèm Òc ! per la lenga
occitana" (Montpelhièr, Tolosa, Besièrs, Carcassona...) organiza cada an de caminadas.
Es un projècte concebut e représ dempuèi 2009 per l'IEO 04-05 Espaci Occitan dels Aups. Ongan, en 2017, se fa per la darrièra annada.
Lo dimècres 6 de setembre de 2017, sala d’Actes de la Casa del Mar a Barcelona (C/Albareda, 1, 08004),
de 9h00 a 14h00 se debanarà la jornada « L’occitan a l’escòla de Catalonha ».
Los destinataris d'aquela jornada de formacion son los mèstres de primària e professors d’educacion segondària. Mai que mai los que trabalhan dins de matèrias ligadas a l'ensenhament de las lengas.
La plega de IEO de 2017 es en soscripcion fins al 25 d'agost al prètz de 49 èuros.
Ongan quatre libres son editats amb un novèl vengut, Miquèu Arnaud :
Lo CIRDÒC comunica. Rendètz-vos a Castèlnòu d'Arri pel final de Total Festum, los 8 e 9 de julhet de 2017.
Lo CIRDÒC vos espèra aquesta dimenjada pel final del festenal regional Total Festum.
Dins la revista Lo Lugarn numèro 69 Ives Roqueta balhava qualques uns de sos remembres.
Dins la revista Lenga 78 (2015), Règis Labedan presenta son trabalh sus las « Transmission e representacions de la lenga occitana dins una comuna de la periferia tolosenca (Florenç, Nauta Garona) ». Tornam publicar aicí l'introducion.
Per las personas e las organizacions qu'an coma tòca la defensa e lo desvolopament de la lenga occitana, un dels primièrs enjòcs es de conéisser la situacion actuala de las practicas e de las representacions de la lenga. Aquò es necessari per poder apuèi afirmar la question de la lenga occitana coma objècte politic e obrar sus la socializacion e la transmission de la lenga. Aquò es una de las rasons de la causida del objècte d'aquel estudi.
En 1979 dins la revista Aicí e ara Ives Roqueta tornava, alara que veniá de legir lo libre de François Cavanna Les Rital, sus son rapòrt a l'enfança coma escrivan.
Sul perqué de l'abandon de la lenga occitana, al delà del modèl erosiu e del modèl conflictual. Un article de Patrick Sauzet dins la revista Lengas.
En 2020 sortissiá a las Premsas Universitària de La Mediteranèa (PULM) la tresena edicion del Dictionnaire grammatical de l'occitan moderne de Florian Vernet.
