Lo dimars 4 d'octobre de 2022 lo Parlament Europèu adoptèt las preconizacions de la Comission relativa a la generalizacion de la prisa USB-C suls aparelhs portatius.
Lo Conselh Europèu adoptèt de son costat aquelas preconizacions al mes de junh de 2022.
Los fabricans an dos ans per adaptar lor material : telefonets, ordinators, cascos, tabletas... A l'automne de 2024 aqueles aparelhs deuràn èsser equipats d'una presa USB-C. Lo cargador d'emplegar serà donc unic.
L'objectiu de la Comission èra doble : d'en primièr, alongar la vida dels cargadors e limitar lor producion ; enfin simplificar l'emplec dels aparelhs que son de cargar.
La presa USB-C causida a per ela mantunas qualitats : es al cròp robusta, compacta e es aisida d'emplegar.
La votacion del Parlament Europèu marca l'acabada d'un procèssus debutat en 2009.
