Comunicacion Anem Òc - 12/11

Manifestacion Anem ! Òc ! Per la lenga occitana ! la coordinacion comunica :

"La Coordinacion "Per la lenga occitana !" organizaira de la Manifestacion dau 31 de març de 2012 vos convida a un acamp de trabalh lo : divendres 6 de genier de 2012, a comptar de 18h a l'Ostal d'Occitània, a Tolosa.

"Aquest acamp es dubèrt en totei, per fin de recampar toteis aquelei que se vòlon ben investir dins aquesta aventura e faire qu’aquesta jornada sigue una capitada dei bèlas per la lenga occitana.

"Avèm una batèsta de ganhar e es toteis ensems que i arribarem !

"Per ansin, avèm mestier de vòstra energia e de vòstre dinamisme per participar ai pretzfachs de difusion de l’informacion, d’acuelh dei manifestants, d’enquadrament dau vilatge occitan e dau passa-carriera, etc.

"Adonc, demandam an aquelei que sostenon aquesta iniciativa e que l’i vòlon participar mai que serián pas disponibles lo 6 de genier de prendre contacte ambé nautrei ò de mandar un messatge per nos en avisar…
que vos posquessiam puei assabentar de la seguida de l’accion.

"A lèu,

"Coralament,

"P.AM." Decembre de 2011.

Contactes :

• This email address is being protected from spambots. You need JavaScript enabled to view it. - 04 42 59 43 96
• This email address is being protected from spambots. You need JavaScript enabled to view it. - 05 34 44 97 11

Articles ligats :

1. Comunicacion Anem Òc - Octobre de 2011
2. Letra de D. Grosclaude - Mai de 2011